Зуны чийрэгжүүлэлт

Зуны нарлаг өдрүүдэд хүүхдээ чийрэгжүүлэхээр бэлдэж байна уу? Бяцхан зөвлөгөө 

Нар ус агаараар чийрэгжүүлээрэй 

• 10-12 цаг эсвэл 16-20 цагийн хооронд гадаа гаргаж идэвхитэй тоглуулаарай - Ингэхдээ наршилтаас сэргийлж цайвар өнгийн хувцас нарны малгайгаа мартав аа 
• Ердийн үеэс илүү шингэн уулгаарай - Гадаа халуун үед хүйтэн ус, цай ундаа уух нь хоолой өвдөх шалтгаан болдог тул бүлээн ус цай сайн уулгаж, чихэрлэг ундаанаас татгалзаарай 
• Гарын ариун цэврийг мартаж болохгүй ээ - Халууны улиралд бохир гараар дамжсан гэдэсний халдвар ихэсдэг тул гараа савандаж угаагаарай 
• Хүүхэд унтаж байхдаа өсөж хөгждөг шүү дээ - Тиймээс хичнээн амарч байгаа ч гэсэн тогтмол цагт унтуулаарай / Чанартай нойр бол эрүүл амьдралын үндэс 
• Таны хүүхэд харшламтгай бол орой унтахын өмнө үсийг нь угаах эсвэл усанд оруулаарай - Учир нь тоос шороо харшил төрүүлэгч үсэнд хамгийн ихээр хуримтлагдаж шөнө унтах үеэр харшил сэдээдэг байна 

Хүүхэдтэйгээ илүү их цагийг өнгөрөөх боломж шүү 

• Хамтдаа тоглож, инээж, ном уншиж өгөөрэй 
• Гэрийнхэнээсээ хайрыг мэдрэх, чанга инээх , халамжлуулах зэрэг аз жаргалтай байдал нь томчууд болон хүүхдийн дархлааг хамгийн ихээр дэмждэг шүү